Ümumi Məlumat
"Kurort" Qapalı Səhmdar Cəmiyyəti – Azərbaycanın turizm və sanator-kurort sahəsində ixtisaslaşmış aparıcı müəssisələrindən biridir. Uzun illərə söykənən təcrübəsi ilə sağlamlıq turizminin inkişafına töhfə verən "Kurort" QSC-yə məxsus sanatoriya filialları ölkənin müxtəlif bölgələrində yerləşir və ixtisaslaşmış tibbi xidmətlərlə yanaşı, təbii müalicə imkanları da təqdim edir. Kardioloji, nevroloji, uroloji, dayaq-hərəkət sistemi və digər sahələr üzrə fəaliyyət göstərən bu müəssisələrdə müasir diaqnostika, palçıq, yod-brom və Naftalan terapiyası vasitəsilə sağlamlığın bərpası və qorunması təmin olunur. "Kurort" QSC – sağlam həyat tərzinə gedən yolun başlanğıcı!
Təbiət və Sağlamlıq
Kurort QSC-yə məxsus sanatoriya filialları Azərbaycanın iqlim və təbii landşaft müxtəlifliyi ilə seçilən bölgələrində yerləşir. Dəniz sahili, meşəlik ərazilər, dağətəyi zonalar və mineral bulaqlar kimi unikal təbii şərait, həm istirahət, həm də müalicə üçün ideal imkanlar yaradır. Təmiz hava, sakit mühit və gözoxşayan mənzərələr qonaqlara fiziki və mənəvi rahatlıq bəxş edir.
Kurort və Sanatoriyalar
"Kurort" QSC-yə məxsus sanatoriya filialları Azərbaycanın müxtəlif bölgələrində yerləşir. Hər bir sanatoriya ixtisaslaşdığı tibbi sahə, təbii şəraiti və müalicə metodları ilə fərqlənir. Sanatoriyalarda kardioloji, nevroloji, uroloji, dayaq-hərəkət sistemi və digər sahələr üzrə müalicə proqramları təqdim olunur. "Kurort" QSC-nin sanatoriya filiallarına daxildir: • Bilgəh Kardioloji Sanatoriyası • Abşeron Mədə-Bağırsaq Sanatoriyası • Qaranquş Uroloji Sanatoriyası • Günəşli Nevroloji Sanatoriyası • Şıx Dayaq-Hərəkət Xəstəlikləri Sanatoriyası • Buzovna Fizioterapiya Mərkəzi
Yollayış və İmtiyazlar
Azərbaycan Həmkarlar İttifaqları Konfederasiyasına üzv olan təşkilatların əməkdaşları “Kurort” QSC-nin sanatoriya xidmətlərindən imtiyazlı şərtlərlə yararlana bilərlər.
